Танловда эгаллаб турган лавозимидан қатъий назар психология йўналиши бўйича олий маълумотга эга ИИБ ходимлари, шаҳодатланган ва шаҳодатланмаган психологлар иштирок этишлари мумкин

Танловни ўтказиш босқичлари:

Ҳудудий саралаш босқичи – сентябрь ойида Хоразм вилояти Ички ишлар бошқармаси, унинг таркибий ва ҳудудий бўлинмалари ҳамда таълим муассасалари ходимлари ўртасида;

Республика босқичи – октябрь-ноябрь ойларида ҳудудий саралаш босқичида ғолиб бўлган ходимлар ўртасида.

Танлов қуйидаги шартлар асосида ўтказилади:

а) иштирокчиларнинг психология соҳасини ривожлантиришга қаратилган фаолиятлари;

тарғибот-ташвиқот ишлари (ОАВда эълон қилинган материаллар, газета ва журналлардаги мақолалар ва бошқалар);

иштирокчиларнинг тренинг, семинар, конференция ва бошқа оммавий тадбирлардаги иштироки.

б) психология касбини ёритишга қаратилган “Энг яхши психолог” ташриф қоғози видеоролиги;

в) психология соҳасини ривожлантиришга қаратилган ғоя ва уни амалиётга жорий қилиш истиқболлари;

г) иштирокчиларнинг билим даражасини аниқлашга қаратилган синовлар (савол-жавоблар):

психология соҳасига тегишли ички идоравий ҳужжатлар бўйича савол-жавоблар;

психология соҳаси бўйича савол-жавоблар.

Республика босқичида ғолиб ва совриндорлар Ички ишлар вазирлигининг диплом ва қимматбаҳо совғалари билан тақдирланади.

Бундан ташқари, танловнинг республика босқичи ғолиб ва совриндорлари қуйидаги имтиёзларга эга бўладилар:

амалдаги интизомий жазо чорасини муддатидан олдин рағбатлантириш тариқасида бекор қилиш;

муддатидан олдин навбатдаги махсус унвонга тавсия этиш (ҳарбий тузилмалар бундан мустасно);

психология соҳасида малакасини ошириш учун хорижий давлатларга юбориш.

Ғолибларни тақдирлаш маросими “22 ноябрь – Халқаро психологлар куни” ўтказилади.

Ушбу танловда қатнашиш истагида бўлган ИИБ ходимлари 2024 йил 8 сентябрь кунидан 13 сентябрь (шу куни ҳам) кунига қадар Бошқарма Маънавий-маърифий ишлар ва кадрлар билан таъминлаш хизмати Маънавий-маърифий ишлар бўлими Психологик таъминлаш гуруҳига мурожаат қилиши мумкин.

Мурожаат учун:  +(99862)-220-42-71

                                +(99888)-602-17-17