Самарали хизматлари эътироф этилди
Самарали хизматлари эътироф этилди
2020 йил 20 июнь куни Хоразм вилояти ИИБ да бошқарма раҳбарияти, соҳавий хизматлар ҳамда шаҳар ва туман ИИБ бошлиқлари иштирокида (карантин қоидаларига риоя қилган ҳолда) йиғилиш бўлиб ўтди.
Йиғилишда вилоят ИИБ Ташкилий бошқарма бошлиғи лавозимида хизмат қилиб келган полковник Ўринбой ака Ҳамраев 55 ёшга тўлиши муносабати билан тантанали тарзда нафақага кузатилди.
Тантанали тадбирда сўзга чиққанлар полковник Ў.Ҳамраевнинг ички ишлар органларида қилган самарали меҳнатлари ва ўтган давр мобайнида кўплаб иқтидорли, фидойи шогирдларни камолга етказганлигига тўхталиб ўтдилар ва келгусида фарзандлари, неваралари ҳамда шогирдларининг бахтини кўриб юришига тилак билдирдилар.
Якунда Хоразм вилояти ИИБ бошлиғи генерал-майор Д.Назармухамедов томонидан Ўринбой ака Ҳамраевга миллий тўн ва дўппи кийдирилиб, эсдалик совғалари топширилди.
Хоразм вилояти ИИБ Ахборот хизмати
