XORAZM VILOYATI ICHKI ISHLAR BOSHQARMASI NUKUS “TEMURBEKLAR MAKTABI” HARBIY-AKADEMIK LITSEYIGA O‘QISHGA QABUL QILISH BO‘YICHA NOMZODLAR TANLOVINI E’LON QILADI

Xorazm viloyati Ichki ishlar boshqarmasi Ma’naviy-ma’rifiy ishlar va kadrlar bilan ta’minlash xizmati tomonidan Nukus “Temurbeklar maktabi” harbiy-akademik litseyiga o‘qishga umumiy o‘rta ta’lim  muassasalarida tahsil olayotgan O‘zbekiston Respublikasi fuqarolarining shaxsiy hujjatlari rasmiylashtiriladi.

Tanlovda Nukus “Temurbeklar maktabi” harbiy-akademik litseyida o‘qish istagini bildirgan, umumiy o‘rta ta’lim maktablarining 9-sinfida o‘qiyotgan,  (o‘g‘il bola) nomzodlar ishtirok etadi.

Nukus “Temurbeklar maktabi” harbiy-akademik litseyida o‘qish muddati 2 yilni tashkil qiladi.

Murojaat etuvchi nomzodlar ota-onalari ishtirokida, Xorazm viloyati Ichki ishlar boshqarmasi Ma’naviy-ma’rifiy ishlar va kadrlar bilan ta’minlash xizmati mas’ul xodimlariga tug‘ilganlik haqidagi guvohnomasi hamda fanlarni o‘zlashtirishi to‘g‘risida o‘qish joyidan maktab direktori tomonidan tasdiqlangan ma’lumotnoma olib kelishlari shart.

Tanlovda ishtirok etish uchun arizalar joriy yilning 10-aprel kunidan 30-aprel kuniga qadar qabul qilinadi. Belgilangan kunlardan tashqari murojaat etgan fuqarolar nomzodlar ro‘yxatiga kiritilmaydi.

Manzil: Urganch shahar Islom Karimov ko‘chasi 1-uy.

Mo‘ljal: viloyat IIB Tibbiyot bo‘limi yon tomoni.

Murojaat uchun telefon: 62-224-77-48, 62-224-77-49, 99-502-02-85