Bugungi kunda dunyoning barcha davlatlarida koronavirus infeksiyasining tarqalishi bilan bog‘liq vaziyat insoniyatni tashvishga solayotgani sir emas.

Xalqaro hamjamiyat tomonidan pandemiya deya tan olingan xozirgi epidemiologik vaziyat insonlardan sanitariya-gigiyena va karantin qoidalariga qatʼiy rioya etishni talab etadi.

Shundan kelib chiqqan holda, Xorazm viloyati IIB shaxsiy tarkibi tomonidan aholi o‘rtasida karantin va sanitariya-gigiyena qoidalariga qatʼiy rioya etish borasidagi targ‘ibot-tashviqot ishlari olib borilmoqda.

Xususan, viloyat ichki ishlar organlari xotin-qizlar masalalari bo‘yicha katta inspektorlari 2 iyul “Payshanba - huquqbuzarliklar profilaktikasi kuni” bilan bog‘liq targ‘ibot-tashviqot ishlarini amalga oshirish chog‘ida karantin va sanitariya-gigiyena qoidalarini aholiga to‘g‘ri tushuntirishga ham alohida eʼtibor qaratishdi.

Sanitariya-epideomilogik osoyishtalik markazi ishchi-xizmatchilari bilan hamkorlikda aholi gavjum bo‘ladigan obyektlarda va savdo majmualarida o‘tkazilgan targ‘ibot-tashviqot ishlari jarayonida xotin-qizlar masalalari bo‘yicha katta inspektorlar tomonidan Xorazm viloyati IIB tashabbusi bilan  tayyorlangan (dezinfeksion ishlov berilgan) karantin qoidalari va huquqbuzarliklar profilaktikasiga bag‘ishlangan bukletlar ham tarqatildi.

Xorazm viloyati IIB Axborot xizmati