"Nurli maskan"da kitob taqdimoti bo‘lib o‘tdi
Xiva shahridagi “Nurli maskan” ixtisoslashtirilgan maktab-internatida IIV Birlashgan tahririyati tomonidan nashrga tayyorlangan “Nurli maskan orzulari” kitobining taqdimoti bo‘lib o‘tdi. Tadbirda viloyat IIB JXX Huquqbuzarliklar profilaktikasi boshqarmasi masʼul xodimlari, maktab-internat o‘qituvchi va o‘quvchilari ishtirok etishdi. Maʼnaviy-maʼrifiy tadbirda so‘zga chiqqanlar kitob mutolaasi, uning inson kamolotidagi muhim o‘rni hususida gapirib, mazkur kitob ham ana shunday ezgu maqsadlarga xizmat qilishini alohida taʼkidlab o‘tishdi.
Kitob taqdimotida maktab-internat o‘quvchilarining “Nurli maskan orzulari”da chop etilgan ijod namunalaridan, qo‘lga kiritgan yutuqlari haqidagi lavhalardan o‘qib eshittirildi.
Tadbir so‘ngida maktab-internatning eng iqtidorli o‘quvchilarga hamda muassasa kutubxonasiga ushbu kitob to‘plami tantanali ravishda topshirildi.
Xudoybergan JABBOROV,
“Postda” muxbiri.
