Xonqalik bolalar “IIB boshlig‘i kubogi” uchun o‘tkazilgan sport musobaqasida faol ishtirok qildilar
Yoshlar, ayniqsa bolalar va o‘smirlar o‘rtasida sportni ommalashtirish maqsadida joylarda hududiy ichki ishlar organlari tomonidan bir qator manzilli va maqsadli ishlar amalga oshirilmoqda.
Bugun Xonqa tumanida bolalar va o‘smirlar o‘rtasida sportning “O‘zbek jang sanʼati” bo‘yicha “IIB boshlig‘i kubogi” uchun musobaqa o‘tkazildi.
Musobaqada tumandagi sport to‘garaklarida “O‘zbek jang sanʼati” bo‘yicha shug‘ullanayotgan bolalar va o‘smirlar faol ishtirok etdilar.
Tumanda bolalar va o‘smirlar o‘rtasida sportni ommalashtirish hamda musobaqa ishtirokchilarini moddiy-maʼnaviy qo‘llab quvvatlash maqsadida tuman IIB va Yoshlar ittifoqi tuman kengashi hamkorligida rag‘batlantiruvchi sovrinlar taʼsis etildi.
Musobaqada ishtirok etgan har bir o‘g‘il-qiz o‘zining mashg‘ulotlarda egallagan ko‘nikmalarini to‘liq namoyish etishga erishdi.
Yakunda g‘olib va faol ishtirokchilarga musobaqaning kubok, diplom, medal va esdalik sovg‘alari topshirildi.
Xorazm viloyati IIB Axborot xizmati
