Xorazmda xotin-qizlar masalalari bo‘yicha inspektorlar uchun sayyor o‘quv kursi davom etmoqda
Joriy yilning 1 fevral kunidan boshlab Xorazm viloyati IIB va uning quyi tuzilmalaridagi xotin-qizlar masalalari bo‘yicha (katta) inspektorlari uchun besh kunlik sayyor o‘quv kursi o‘tkazilmoqda.
IIV Malaka oshirish instituti tajribali professor-o‘qituvchilari hamda xotin-qizlar masalalari bilan shug‘ullanuvchi davlat va nodavlat tashkilotlarning vakillari tomonidan o‘tkazilayotgan mashg‘ulotlarda profilaktika inspektorlariga xotin-qizlarning huquq va manfaatlarini himoya qilishning huquqiy asoslari mukammal o‘rgatilmoqda.
Mashg‘ulotlardan keyingi diskussiya jarayonida xotin-qizlar masalalari bo‘yicha (katta) inspektorlar o‘zlarining xizmat xizmat faoliyati davomida vujudga keladigan muammoli holatlar yuzasidan bergan savollariga ham mutahassislardan asoslantirilgan javoblar olishdi.
Shuningdek, profilaktika (katta) inspektorlarining xotin-qizlar masalalari bilan ishlash, ularni ijtimoiy-huquqiy himoya qilishni yana-da kuchaytirish borasida amaliy tajribalaridan kelib chiqqan holda ayrim normativ-huquqiy hujjatlarga o‘zgartish va qo‘shimchalar kiritish borasidagi takliflari ham atroflicha o‘rganib chiqish uchun qabul qilindi.
Xorazm viloyati IIB Axborot xizmati
