ИИВ Хоразм академик лицейи ўқувчилари "Электрон ўқ отиш тири" билан танишдилар
Хоразм вилояти ИИБ бошлиғи ҳузурида ўтказилган тезкор йиғилишда қабул қилинган қарор ижросини таъминлаш ҳамда ИИВ Хоразм академик лицейи ўқувчиларининг бўш вақтини мазмунли ўтказиш мақсадида ишлаб чиқилган режа-дастурга асосан 2 декабрь куни лицей ўқувчилари вилоят ИИБ нинг “Электрон ўқ отиш тири” билан таништирилди.
Таништирув давомида ўқувчиларга мутахассислар томонидан “Электрон ўқ отиш тири”да яратилган шарт-шароитлар, ўқотар қуролларнинг тактик-техник хусусиятлари ҳамда ўқ отиш машғулотларининг тартиб-қоидалари тўғрисида маълумот берилди.
Бундан ташқари, ўқувчилар қуролдан электрон ўқ отиш бўйича амалий машғулотларда иштирок қилдилар. Тадбир ўқувчиларда унутилмас таассурот қолди.
Бу каби тадбирлар ёш авлодни Ватанпарварлик руҳида тарбиялаш, уларда она Ватанга муҳаббат туйғуларини шакллантириши шубҳасиз.
Хоразм вилояти ИИБ Ахборот хизмати
