Ҳарбий хизматчилар ва уларнинг оила аъзолари иштирокида навбатдаги маънавий-маърифий тадбир ўтказилди
Ўзбекистон Республикаси Президентининг 2021 йил 2 апрелдаги Қарори билан тасдиқланган “Ички ишлар органларида маънавий-маърифий ишларни ташкил этиш концепцияси” асосида ички ишлар органлари тизимида хизмат қилаётган барча ходимларнинг умумий дунёқараши, сиёсий онги, маънавий ва интеллектуал салоҳиятини юксалтириш, уларда ватанпарварлик, ғурур, ифтихор, касбига нисбатан садоқат ва юқори масъулият ҳисларини ошириш мақсадида ҳудудларда маънавий-маърифий йўналишда олиб борилаётган тадбирлар кўлами кенгайиб бормоқда.
ИИВ Урганч халқаро аэропортида хавфсизликни таъминлаш батальони раҳбарияти томонидан Хоразм мусиқали драма театрида уюштирилган навбатдаги маънавий-маърифий тадбирнинг эътиборга молик жиҳати шундаки, тадбирга ҳарбий қисм шахсий таркиби билан биргаликда уларнинг оила аъзолари, фарзандлари ҳам таклиф этилди.
Хоразм мусиқали драма театрининг ижодий жамоаси томонидан саҳналаштирилган ва намойиш этилган “Оппоғой ва унинг дўстлари” номли спектакль нафақат болажонлар учун янги йил совғаси бўлди, шу билан биргаликда уларнинг ота-оналарига ҳам ўз болаликларини эслатди десак муболаға бўлмайди.
Театр томошаларидан кейинги оилавий танишув ва дилдан қурилган самимий суҳбатлар эса иштирокчиларда унутилмас таассуротлар қолдирди.
Хоразм вилояти ИИБ Ахборот хизмати
