Республикамизнинг 3-секторларида яшовчи оилалар ўртасида спорт мусобақалари ва китобхонлик беллашувларини ўтказиш мақсадида, Ўзбекистон Республикаси Ички ишлар вазирлиги, Маҳалла ва оилани қўллаб-қувватлаш вазирлиги, Маданият вазирлиги ҳамда Туризм ва спорт вазирликларининг қўшма қарори ижросини таъминлаш мақсадида Хоразм вилоятининг 3-секторларида Ўзбекистон Республикаси Ички ишлар вазири соврини учун “Соғлом ва баркамол оила” шиори остида ўтказилган спорт мусобақалари ва китобхонлик беллашувларининг шаҳар-туман миқиёсидаги ва вилоят миқиёсидаги  ғолиблари аниқланганлиги тўғрисида хабар берган эдик.

24 декабрь куни Урганч шаҳридаги “Ёшлик” спорт мажмуасида юқоридаги мусобақанинг Қорақалпоғистон Республикаси, Бухоро, Навоий ва Хоразм  вилоятлари ўрин олган ҳудудий босқичи бўлиб ўтди. Хоразм вилояти мезбонлик қилган мазкур мусоқабада “Стол тенниси”, “Қувноқ стартлар”, “Шашка”, “Шахмат” ва “Бадминтон” турлари бўйича ўзаро куч синашган оилалар ўртасидаги қорақалпоғистонлик Отаниязовлар оиласи 3-ўринни эгаллаган бўлса, хоразмлик Содиқовлар оиласи 2-ўринга муносиб кўрилди, спортсеварлик борасида Навоий вилоятидан ташриф буюрган Эгамовлар оиласига тенг келадигани топилмади, ўзларининг эпчиллик ва чаққонликларини намойиш этган ушбу оила спорт мусобақасининг мутлоқ ғолиби деб топилди.

“Энг яхши маънавий етук оила” номинациясида ғолибликни аниқлаш учун китобхон оилалар ўртасида ўтказилган беллашув ҳам унутилмас ва ҳаёжонли жараёнларга бой бўлди.

Хоразм вилояти Ахборот кутубхона марказида ташкил этилган беллашув иштирокчилари, оилаларида китобхонликка эътибор қаратилганлигини, айниқса фарзанд тарбиясида китобнинг алоҳида ўрин тутганлигини кўрсата олдилар.

Китобхонлик беллашуви якунида навоийлик Камоловлар оиласи 3-ўринни эгаллаган бўлса, Қорақалпоғистон Республикасидан ташриф буюрган Мамбеткаримовлар оиласи 2-ўриндан жой олдилар, Хоразм вилояти вакили бўлган Каримовлар оиласи энг яхши маънавий етук оила деб топилиб, беллашув ғолибига айланди.

“Соғлом ва баркамол авлод” шиори остида бўлиб ўтган ушбу мусобақа ғолибларига диплом ва қимматбаҳо совғалар Хоразм вилояти ИИБ раҳбарияти томонидан тантанали тарзда топширилди. Мусобақаларнинг ҳудудий босқичида 1-ўринни эгаллаган Навоий вилояти вакили Эгамовлар ва Хоразм вилояти вакили Каримовлар оиласига Ички ишлар вазири соврини учун бўлиб ўтаётган мазкур спорт мусобақалари ва китобхонлик беллашувларининг республика босқичида иштирок этиш учун йўлланма берилди.

Қизғин ва муросасиз бахсларга бой бўлган мусобақа иштирокчилар ва ташкилотчиларда унитилмас таассурот қолдирди.

Хоразм вилояти ИИБ Ахборот хизмати